Dejjem Hemm Kliem: Fr Karm Debattista mssp Mużika: Fr Karm Debattista mssp Mhux dejjem kien ċar quddiemi Li mħabbtek dejjem hemm U minn dak li għadda minni Fhimt li mħabbtek dejjem hemm Anke f'dak il-jum diffiċli, Meta kollox deher mudlam Sibt li mħabbtek kienet hemm Imħabbtek dejjem miegħi Imħabbtek dejjem hemm Imħabbtek dejjem miegħi Dejjem hemm, dejjem hemm Kultant inħossni biered minnek 'Ma imħabbtek tibqa' hemm U jum b'jum nitbiegħed minnek U mħabbtek tibqa' hemm Anke jekk niġri 'l bogħod minnek Naħrab minnek kull mument Naf li mħabbtek tibqa' hemm Imħabbtek dejjem miegħi... Issa nista' nħares lura, Nara l-ferħ kif ukoll l-hemm Nifhem li minkejja kollox Imħabbtek dejjem hemm
L-Iben Kliem : Fr Karm Debattista mssp Mużika: Fr Karm Debattista mssp Missieri nitolbok taqsmilna il-ġid U agħti s-sehem li jmiss lili Mgħaddewx granet wisq meta tlaqt mill-pajjiż Hemmhekk bi ftit il-ftit infaqt ġidi Sew, sew, f'dak il-ħin kellu jaqa' guh kbir Li ħakem il-pajjiż kollu U jiena mort nirgħa l-qżieqeż bix-xewqa Li mqar niekol ftit milli jkollhom Missier indunajt b'dak kollu l' għamilt Ma jmissnix nissejjaħ ibnek Missier jiena dnibt kontra s-sema u kontrik Aħfirli għaliex jiena midneb U qomt f'dak il-waqt u tlaqt niġri fit-triq Biex nitlob maħfra 'l Missieri Kif kont għadni l-bogħod Hu lemaħni u tħassarni Ġie jiġri, għannaqni u biesni Missier indunajt b'dak kollu l' għamilt Ma jmissnix nissejjaħ ibnek Missier jiena dnibt kontra s-sema u kontrik Aħfirli għaliex jiena midneb Hu qal lil qaddejja biex jiġu malajr Ħa jġibu l-libsa li kelli Libbisli ċ-ċurkett, tani l-qorq biex inxedd U l-għogol l-imsemmen qatilli Ifirhu u kuli, ħa niżfnu mad-daqq Ejjew ħa nagħmlu festa Dan ibni kien mejjet, arawh reġa qam Ejjew ħa nagħmlu festa Dan ibni kien mejjet, arawh reġa qam Ejjew nagħmlu festa Ejjew nagħmlu festa
Fuq Spallejk Kliem: Fr Karm Debattista mssp Mużika: Fr Karm Debattista mssp Meta ħsibt li qalbi mlejt Minn dak kollu li għaddejt Meta ħsibt li issa sibt Dak li xtaqt u f'ħajti ridt Żiffa ħelwa minn fejn ġiet, Din is-sejħa minnek bdiet Bidlet kull ħsieb li għamilt Warrabt dak li kont għażilt Lilek nixtieq li naf mill-viċin Miegħek nixtieq li ngħammar kull ħin Nisma' lil qalbek tħabbat, għal min Nifhem imħabbtek għalina l-bnedmin Irrid li niġi u nħares f'għajnejk Niġi qrib tiegħek kuljum nersaq lejk Nibqa' biss migħek idejja f'idejk U nħalli rasi tistrieh fuq spallejk Meta xewqti ħsibt li qtajt Fis-sbuhija illi rajt Meta ħsibt li kollox fhimt Minn dak kollu li tgħallimt Ibdunajt li kont żbaljat Illi bdiltek mal-fruħat Sibt li int biss tkun is-sliem Għal tul ħajti tul iż-żmien Lilek nixtieq...
Ġmiel Għemilek Kliem: Fr Karm Debattista mssp Mużika: Fr Karm Debattista mssp Bħal xoqqa s-sema mifruxa, bħal saqaf fuq l-ilma kotran Is-sħab bħal mirkeb jittajjar fuq ġwejnaħ ir-riħ setgħan Imwaqqfa il-art fuq sisienha, fis-sod, ma titħarrek qatt Il-baħar bħal libsa żejjinha u jħabbat qillietu fuq l-art Kemm huma kotrana għemilek, Int kollha għamilthom bil-għerf Il-kobor t'għemilek ifaħħru l-ħlejjaq li ġmielek urew. Tul ħajti ħa ngħanni lil Alla, għal dejjem ħa ndoqq lil Mulej, Quddiemu ħa jidhol dan kliemi, ħa nifraħ kuljum fil-Mulej. L-għejjun fil-widien Int tnixxi, bejn l-iġbla jinħolqu trejqat Minn fejn għaddejjin l-art tissaqqa u tnibbet il-hdura fil-blat Fil-għoli is-siġar jixxabbtu, 'il fuq sebagħhom puntat Fejn fuqhom l-għasafar bil-qtajja, iferrhu b'għanjiethom fuq l-art Kemm huma kotrana... Kemm ismek hu kbir fl-art kollha Sebħek 'il fuq mis-smewwiet Ifraħ, Mulej. Ifraħ b'għemil idejk. Fuq kollox, fuq kull kreatura, 'il fuq minn kull kobor ta' jdejk Biex ħsiebu int tieħu, x'inhuwa l-bniedem fil-ħarsa t'għajnejk? Ftit anqas minn Alla għamiltu, bil-ġmiel u bil-ġieh int żejjint T'għemilek Int tajtu il-ħakma, taħt riġlu q'għidt, kollox ċekkint Kemm huma kotrana għemilek, Int kollha għamilthom bil-għerf Il-kobor t'għemilek ifaħħru l-ħlejjaq li ġmielek urew. Tul ħajti ħa ngħanni lil Alla, għal dejjem ħa ndoqq lil Mulej, Quddiemu ħa jidhol dan kliemi, ħa nifraħ kuljum fil-Mulej. Kemm ismek hu kbir fl-art kollha Ifraħ b'għemil idejk.
Ġesù Kliem: Fr Karm Debattista mssp Mużika: Fr Karm Debattista mssp Imjassar min jaħseb li sab il-ħelsien Imbagħad jiġi mmexxi mill-gideb sat-tmiem Mingħajr ma jinduna il-ġidba biss ra Mifxul din il-ġidba issir verita' 'Ma għal dawk li għajnejhom miftuħa jaraw Għal dawk li fil-mixja mid-dlam lejn id-dawl Jafuh li ġie mogħti b'rigal għall-holqien Hemm biss fl-isem tiegħu l-vera ħelsien Ġesù hu l-ħajja tal-vera t-triq Għal dejjem id-don tal-vera ħelsien Li ġie mill-Missier, ħajtu ta fuq salib U għad jerġa jiġi fl-aħħar taż-żmien Għan-nagħag il-mitlufa fid-dinja hu ġie Għal dawk li fid-dalma tal-lejl tul it-triq Mifxula fil-mixja u jaqgħu f'kull xkiel Għax huma bla ħerqa fid-dlam, mingħajr hjiel Ir-ragħaj ifittixhom u lilhom isib B'isimhom jgħajtilhom u lura jġib Għax lehnu jisimgħu u jimxu warajh Hu t-triq illi twassal għand Alla l-ħaj Ġesù hu l-ħajja... Għal dawk li fit-tama il-jum jistennew Sakemm jerġa' jiġi fih biss jithennew Għax jafu li lilu f'dal-jum jarawh ġej Bis-setgħa u bis-saltna fuq kollox mexxej Għax b'mewtu hu ħallas għalina b'salib Biex lilna jeħlisna għall-ħajja mill-ġdid Fih biss hemm il-ħajja li qatt ma tintemm Fuq kull isem Kristu għal dejjem. Amen.
Igħix Kliem: Fr Karm Debattista mssp Mużika: Fr Karm Debattista mssp Minn ħaġa għal oħra ħajjitna ttir Bla mia tinduna bla skop issir Tixtieq li qalbek mimlija bil-ferħ Tfittex madwarek xi jġib is-serh Lill-bniedem ħalaq biex igħix kuntent Alla jrid jibqa' fih kull mument Imħabbtu tibqa' minkejja d-dnub Ħajtu fih jitfa', jibqa' maħbub Hu kien, hu jgħix, hu li jibqa' għal dejjem Igħix fil-ħajja tagħna lkoll Hu kien, hu jgħix, hu li jibqa' għal dejjem Igħix fil-qalb t'uliedu lkoll Għax tħares lura, bit-toqol tmil Qaċċat il-ktajjen, tad-dnub ilsir Hu tana ħajtu biex ngħixu fih Ħħarstek lejh itfa', fih ibqa' sħiħ Hu ħejja għalina futur sabiħ Sejjaħlu u ssib hemm minnufih Offrilu ħajtek, kull hemm, taħwid Ħallieh iħaddnek miegħu, s-Sid Hu kien...
Spirtu Mqaddes Kliem: Fr Karm Debattista mssp Mużika: Fr Karm Debattista mssp O Missier tini imħabbtek Żiffa ħelwa ta' fejqan Din imħabbtek li ħelsitni Ġabet fija kull serħan O Missier l-Ispirtu tiegħek Ibagħat fija f'dan il-ħin Spirtu li iġib il-paċi U mill-htija il-ħelsien Ejja fija Spirtu Mqaddes, oħloq fija spirtu ġdid Ħalli n-nifs tiegħek iġedded, jagħmel bija dak li jrid Ejja fija Spirtu Mqaddes , il -vojt fija bik imlih 'Il fuq erfa' lil din ruħi itlob fija minnu fih Okrob fija Spirtu Mqaddes Meta talbi jsib is-skiet Hollni minn kull rabta vojta Li lil ħajti tifni bdiet Spirtu t'Alla lili qaddes Biegħed minni kull tinġis Waħħadni miegħek għal dejjem Ħaddanni Spirtu qaddis
Il-Qaddej Kliem: Fr Karm Debattista mssp Mużika: Fr Karm Debattista mssp Bħalma ndehxu ħafna minnu Daqs kemm wiċċu mħassar kien La ta' raġel fih il-bixra U ta' bniedem ebda ġmiel. Kien immaqdar, maħrub minnhom Mimli mard, raġel b'uġiegħ. Minnu thossok trid tinħeba Kien mitluq xejn ma qisnieh. Fuqu refa' l-mard tagħna Għabba fuqu l-uġiegħ tagħna It-tagħdib tana saħħitna Bil-mard tiegħu aħna fiqna, Bil-mard tiegħu aħna fiqna. Aħna ħsibna li hu mċekken U minn Alla kien midrub Iżda kien minħabba fina, Kien miġruh minħabba d-dnub. Bħal ħaruf mehud għall-qatla Bħalma nagħġa siekta tkun Waqt li sidha jkun iġiżża Hekk kien hu għalkemm midrub Il-mewt fuqu ħa bla htija Kien magħdud mal-midinbin Iż'da b'hekk neħħa l-htija Tagħna llkoll tagħna l-ħatjin Fuqu refa' l-mard tagħna Għabba fuqu l-uġiegħ tagħna It-tagħdib tana saħħitna Bil-mard tiegħu aħna fiqna. Tagħna llkoll tagħna l-ħatjin Tagħna llkoll tagħna l-ħatjin
Jum Ġdid Kliem: Fr Pierre Bonniċi mssp Mużika: Fr Karm Debattista mssp Allelulah Allelujah Allelujah Allelujah Għaliex tfittxuh qalb l-oqbra lil Sid il-ħajja. Għaliex għaliex tfittxuh fost il-mejtin lil Sid il-ħajja. Bħas sebh ta' wara d-dlam tal-lejl. Hu qam. Qam biex jerġa jgħix jerġa jgħix rebbieh. U triegħdet il-mewt fuq it-tron tagħha. U l-ktajjen tad-dnub waqgħu imkissrin. Għax Alla fixkel tas-sew lis-setagħna F'Ġesù l-qaddej tiegħu Hu tana l-ħelsien. Għax għall-ħelsien ħelisna Kristu Sabiex ngħixu ta' ulied Spiċċa ż-żmien li konna lsiera Sebaħ Kristu Rxoxt Jum Ġdid. Allelujah Allelujah Allelujah. Amen Amen Amen
Issebbaħ Ruħi Kliem : Fr Karm Debattista mssp Mużika: Fr Karm Debattista mssp Issebbaħ ruħi l-Mulej Jithenna fih l-ispirtu tiegħi Għax ħares lejn iċ-ċokon tal-qaddejja tiegħu U ħwejjeg kbar għamel miegħi Minn issa u għal kull żmien Imbierka isejħuli Għax Alla hu qaddis, setgħani ismu Minn nisel għal kull nisel Hu juri l-hniena tiegħu Imħabbtu hi għal dawk li jibżgħu minnu Xerred 'l-imkabbrin Hu wera l-qawwa tiegħu U għolla liċ-ċkejknin fit-tama tiegħu Xebba 'l-imġewħin Bil-guh lill-għonja telaq Lil Iżrael ħa ħsieb fil-hniena tiegħu Ikun minni dak li trid Hawn hi l-qaddejja tiegħek Issebbaħ ruħi l-Mulej Jithenna fih l-ispirtu tiegħi Għax ħares lejn iċ-ċokon tal-qaddejja tiegħu U ħwejjeg kbar għamel miegħi
Kif? Kliem: Fr Karm Debattista mssp Mużika: Fr Karm Debattista mssp Tħares lejh Marija, ċkejken hekk tarbija 'L Alla ma tarax, tifhem ma tistax. Tista' biss tiftakar dak li l-anglu ħabbar, Iben Alla hu u ssemmih Ġesù. Kif nista' nkun Omm Alla Jien? F'moħħha jidwu dawn il-kliem Kif jista' qatt Alla setgħan Isir tarbija, tfajjel daħqan? Kif nista' nkun Omm Alla jien? F'moħħa spiss jidwu dawn il-kliem Kif nista' nrabbi lill-Mulej, Iben Alla u Feddej? Issa hemm f'idejha, tressqu lejn ħaddejha Rieqed kemm hu kwiet, taħseb hemm fis-skiet Magħluqin għajnejh, tant ċkejknin idejh Bihom x'għad isir minn dat-tfajjel fqir Taħseb fuq kliem Xmun, ħellies ser ikun Sebh għal Israel , dawl għall-gnus jinxtegħel Tiġrif u qawmien, sinjal għal kull żmien Jikxef ħafna qlub... lilha sejf minfud Kif nista' nkun...
Qalb Żagħżugħa Kliem: Fr Pierre Bonniċi mssp Mużika: Fr Karm Debattista mssp Fiż-żgħażagħ it-tama inħarsu 'l quddiem Lejn dinja sabiħa mibnija fis-sliem Insewwu l-ħsara, nkattru l-ġid Magħquda għall-ġejjieni nimxu id f'id Bl-ilma fejjiedi l-hxejjex ta' l-art Jerġġħu għall-ħajja jiżżejnu il-ward Hekk Alla biż-żgħażagħ qalbiena irid Kollox iġedded, isebbaħ mill-ġdid Fiż-żgħażagħ it-tama... Hemm min biss igerger jintilef fil-kliem Iħabbar tad-dinja l-qerda ut-tmiem Iżd'aħna li qlubna bit-tama mħeġġin Naħdmu u ngħixu bħal aħwa henjin Fiż-żgħażagħ it-tam... Għalhekk kollha ħeġġa flimkien inkantaw L-imrar u t-telqa mhumiex posthom haw' Din l-għanja tal-ħajja mhix għanja tax-xjuh Din l-għanja ta' min f'qalbu għadu żagħżugħ