Fittixtek... f'Art Imbegħda Kliem: Fr Pierre Bonniċi mssp Mużika: Fr Karm Debattista mssp Fuq ix-xatt tax-xmara waħdi mort u nħbejt Bogħod minn dari, art l-eżilju waħdi bkejt Qalb il-friegħi u s-siġar, moħbija minn kulħadd L-arpa t'għaxar kordi f'rokna rmejt Ħa tiskot il-għanja, ħa tieqaf u tintemm Ħa jinxef ilsieni u jmut kull ferħ sakemm Nibqa' hawn... hawn maqtugħ 'il bogħod minn Ġerusalemm Ġew talbuni għanja, in-nies ta' dawk l-idwar B'elf mod kollha mweġġa, kollha fqar Iżda kliemhom bla ma jafu ferita għalija kien Mill-uġiegħ weġibthom kollni mrar Ħa tiskot il-għanja... Bħal swaba ħfief fuq l-arpa li rokna tfajt Żiffa ħelwa l-kordi ħarket ħarsti rfajt Imsaħħar u mistagħġeb, bħal min minn raqda jqum widnejja melodija ġdida smajt Ħa tidwi il-għanja li twieldet f'art 'il hemm Duwa għall-ġrieħi; id miftuħa għall-fqar sakemm Tinbet hawn bħal dielja l-belt ta' Ġerusalemm Fuq ix-xatt tax-xmara l-ilma dejjem ġej M'għadx hawn iktar minn jittallab għall-għannej Għax fil-belt li qegħdin nibnu, kor wieħed magħqudin Ninsġu hieni l-għanja tal-Mulej
Sar iż-Żmien Kliem: Fr Pierre Bonniċi mssp Mużika: Fr Karm Debattista mssp Ara sar iż-żmien, issa hu ż-żmien Qumu mir-raqda,tieqfux! Is-saltna t'Alla mhux fil-bogħod, mhux fil-qrib Is-saltna t'Alla 'ġa hawn Jekk il-maħżen imlejt b' kull xorta ta' ġid Jekk il-maħżen ta' qalbi imlejt Kif se nwieġeb is-sejħa, is-sejħa tas-sid Jekk bil-ġid ta' din l-art jien tgħabbejt? Jekk għajnejja għattejt biex id-dawl ma narax Jekk għajnejja għalaqt u għattejt Jekk widnejja saddejt biex il-krib ma nismax Kif ser nagħraf x'irid il-Mulej? Jekk madwari bnejt ħajt, jekk madwari bnejt sur Jekk inħbejt minn kulħadd wara ħajt Jekk l-imħabba li tani mhix tinxtered u tfur Kif qed ngħid li 'l Ġesù qatt ma rajt?
Abba Missier Kliem: Fr Karm Debattista mssp Mużika: Fr Karm Debattista mssp Sakemm smajt is-sejħa li wrietni l-ħelsien Kont għadni mitluf, ma nafx sew jien min jien Dis-sejħa li wrietni li ġejt adottat Minn Re li tant ħabbni li riedni salvat Bl-Ispirtu li fija hemm jgħammar illum L-Ispirtu li bih jiena tiegħek inkun L-Ispirtu li għallimni nitlob mill-qalb Lil Ismek insemmi bla biża' fit-talb. Abba Missier! Dan l-Isem tiegħek għalija Abba Missier! Lilek ngħożż. Int tgħammar fija Għaliex jiena tiegħek, jien ibnek l-għażiż Imħabbtek tfajt fija, wellidtni mill-ġdid Int fija trid tibqa', Int fija trid tgħix Theġġiġni biex nagħti, tħeġġiġni biex ngħix Abba Missier!... Ġesù l-Iben tiegħek sar ħija l-kbir Ġesù miet għalija biex ibnek insir Hu lili rebaħni biex tiegħek inkun Biex lilek infaħħar, lil Ismek kuljum
Inti d-Dawl Kliem: Fr Pierre Bonniċi mssp & Fr Karm Debattista mssp Mużika: Fr Karm Debattista mssp Int, fid-dlam tal-lejla, ħiemed, qalbi sserraħ Dawl bħal ta' musbieħ li jerġa' 'l ruħi jferraħ Fik, kull meta waħdi, ittamajt Talbi dejjem smajt. Iva, int biss bqajt Int, bħal raġġ tax-xemx f'twelid il-għodwa, tirbaħ Fuq id-dlam li jaħrab hekk kif mil-ġdid jisbaħ Bħal ġellied li ta' kuljum rebbieħ Ħadd ma jista' għalih, qawwi, dejjem sħiħ Int d-dawl (4) Bżajt, x'ħin ħadd ma rajt u ħsibt kulħadd insieni Tlabt hħerqan biex dawl it-triq li tlift jurini Int, bid-dija fiss id-dell keċċejt Il-mogħdija wrejt, miegħi Int imxejt Int d-dawl - Jiena d-dawl tad-dinja Int d-dawl - Min jimxi warajja Int d-dawl - Ma jimxix fid-dlam Int d-dawl - Ikollu d-dawl tal-ħajja Int, li f'qiegħ l-imwiet inżilt u tlajt setgħani Minn saltniet id-dlam erġajt bil-glorja għani Int, li sebħek jisboq ħsieb u kliem Saltan Int fis-sliem, f'jum li m'għandux tmiem Int d-dawl (4) Int! Mulej!
Ejja, la ddumx... Kliem: Fr Pierre Bonniċi mssp Mużika: Fr Karm Debattista mssp Fuq l-għatba tal-bieb, ma nafx noħroġx Jew nibqa' hawnhekk fejn jien Ma nafx xi nsib jekk nagħti l-pass Min jaf jekk lura nerġax? Iżda ħiemda stedina, bil-ħlewwa nħoss f'qalbi Ttenni kliem ta' kuraġġ: Ejja, la ddumx. Tibżax hawn jien biex nilqek Ejja, la ddumx, ħu l-post li ħejjejt f'dar Missieri Ejja jien miegħek, tibżax Ejja hawn jien, tibżax! Pass, pass, nimxi triq, tinferaq spiss f'elf trejqa u mogħdija Jum, jum, kuljum bla heda rrid Din l-għażla nagħmel mill-ġdid Iżda ħiemda stedina kull darba nħoss f'qalbi Ttenn kliem ta' kuraġġ: Ejja, la ddumx... Sew twil, sew qasir, kull vjaġġ ukoll xi darba jasal fit-tmiem Li naf li nsib lil dak li smajt Jilqagħni wkoll fl-aħħar waqt Nerġa l-aħħar stedina, bil-ħlewwa nħoss f'qalbi Ttenni kliem ta' kuraġġ: Ejja la ddumx... Hawn Jien biex miegħek nibqa'!
Il-Għanja tal-Ħajja Kliem: Fr Karm Debattista mssp Mużika: Fr Karm Debattista mssp Il-għanja tal-ħajja hi għanja ta' mħabba Li tidħol fil-qalb ta' dak li jismagħha Il-għanja tal-ħajja hi għanja ta' ferħ Li tqawwi l-bniedem li jgħid il-kliem tagħha U inti jekk trid tista' tgħanni wkoll Biex tifrah flimkien ma' dak li jħobb U l-kliem li int tgħanni fil-għanja tal-ħajja Hu qawwi li joħroġ bħat-talb Għax l-għanja tal-ħajja hi għanja ta' mħabba Hemm wieħed li jħobbna lkoll Hu jgħanni sabiex inti tiġi u tisma' U jagħtik ħajja ġdida jekk tgħanni ukoll Il-għanja nkitbet għal kull wieħed minna Biex ngħixu l-ħajja li joffru l-kliem U wieħed kien kiteb il-kliem ta' din l-għanja Bl-imsiemer li daħlu f'idejh u f'kull sieq Bil-mewt tiegħu ħasbu li kollox kien spiċċa Ħadd xejn ma kien sema' fi żmien tlett ijiem Sakemm mill-bogħod semgħu bħal għanja glorjuża Li tagħthom il-ħajja bla tmiem
Fuq Kull Isem Kliem: Fr Karm Debattista mssp Mużika: Fr Karm Debattista mssp Għad li kellu n-natura ta' Alla ried bniedem isir Iċċekken għal kollox, ha fuqu n-natura ta' lsir Sar jixbaħ lil bniedem, minn barra deher bħalna l-bnedmin Iċċekken u obda sa l-ahhar, sal-mewt tas-salib Għall-Isem li hu fuq kull isem Fis-sema, hawn fl-art u qiegħ l-art Iqimu l-ħlejjaq jistqarru: Ġesù hu l-Mulej fuq kulħadd. Għalhekk Alla għolla lil Ibnu Għollih sas-smewwiet U żejnu dan l-Isem Għall-glorja ta' Alla l-Missier Għall-Isem li hu fuq kull isem Fis-sema, hawn fl-art u qiegħ l-art Ilkoll arkobbtejna nistqarru: Ġesù hu l-Mulej fuq kulħadd Ġesù hu l-Mulej fuq kulħadd
Fejn hemm Int! Kliem: Fr Pierre Bonniċi mssp & Fr Karm Debattista mssp Mużika: Fr Karm Debattista mssp Miġburin qalb waħda Isem Kristu lkoll flimkien Kull firda minsija Aħwa biss fiH magħqudin Missier smajna s-sejħa Biex ninġabru nfaħħruK Spirtu wieħed fostna Għaqda waħda nqimuK Għaliex kull fejn hemm Int Għaliex biss jekk hemm Int Hemm tassew il-paċi, s-sliem Kun fostna u tagħna s-Sid Wettaq dak l'Inti trid Sultan tal-paċi, Sultan tas-Sliem... Saltna bla tmiem Miġburin qalb waħda F'isem Kristu lkoll flimkien Kull firda minsija Aħwa biss fiH magħqudin U nħossu jberren fija Dix-xewqa taqbad nar Għal dinja ta' ġustizzja Għal dinja wisq aħjar... Fejn Int, li Inti Alla Fejn Int, li ġġib is-sliem Issaltan, issaltan għal dejjem bla tmiem Issatan, issaltan għal dejjem bla tmiem
Imxi Warajja Illum Kliem: Fr Karm Debattista mssp Mużika: Fr Karm Debattista mssp Ħalli d-dinja tibqa' sejra fi triqtha Tigri wara holma vojta bla ferħ Ħalli 'l dawk li jridu jimxu warajha Bit-toqol tad-dnub mingħajr serħ Għaliex lilek ħajja oħra ħejjejtlek Imxi warajja, jum wara jum Iva ejja u imxi warajja Kun ir-ragħaj tan-ngħaġ mitlufin Ejja kun il-musbieħ fuq l-imnara Kun il-melħ li ma jaqtax maż-żmien Ħalli l-bniedem jara fik tama ġdida ta' ħajja ohra lil hemm minn din l-art Ħalli l-bniedem jara fik il-ferħ safi ta' l-imħabba li bħajtek xandart Għaliex lilek ħajja oħra ħejjejtlek Imxi warajja, jum wara jum Iva ejja u imxi warajja Kun ir-ragħaj tan-ngħaġ mitlufin Ejja kun il-musbieħ fuq l-imnara Kun il-melħ li ma jaqtax maż-żmien Ejja warajja, illum Ejaa warajja, illum, illum
Karba Kliem: Fr Pierre Bonniċi mssp & Fr Karm Debattista mssp Mużika: Fr Karm Debattista mssp Il-ħbula tal-mewt dawruni Madwari għolew l-ilmijiet Quddiemi nara biss dlamijiet Bħal qoxra nofs tempesta Bħal dgħajsa tissielet mar-riħ Għajjiena, ruħi tfittex mistrieħ Missier, għal darb' oħra ndur lejK Isma' din il-karba, Mulej Ħarisni kun miegħi eħlisni Mill-qilla li qegħda tgħakkisni Qum , Alla tiegħi ħellies Fuqek ħajti rrid nibni Sur tiegħi, Int tarka, għassies Tawwew Inti Alla qaddis Int tibni dar għall-imsejken Teħles mill-ħabs l-imjassrin Tiftakar fil-fqir, u ċ-ċkejknin Missier, għal darb' oħra... Bħal qoxra nofs tempesta Bħal dgħajsa tissielet mar-riħ Għajjiena, ruħi tfittex mistrieħ
Armonija Kliem: Fr Pierre Bonniċi mssp Mużika: Fr Karm Debattista & Fr Pierre Bonniċi mssp Arah fil-bard qalil tal-lejl jistenna Ifittex post 'il bogħod mid-dlam u l-ksieħ Kulfejn iħabbat m'hemmx ħlief djar mimlija Il-qalb tal-bniedem qisha nsiet kif tħenn Arah għaddej mit-triq bid-dwal imżejna Presepji u pasturi hemm f'kull dar Minn ġewwa ħiereg kant u daqq ferrieħi 'Ma dawl u daqq għalih ma jfisser xejn Ma jridx jisma' l-kant sabiħ ta' l-anġli Ma jridx l-istilla ssebbaħ b'dawlha l-lejl Irid igħix qalb nies igħixu f'armonija Irid isib li qalbek taf tħobb Irid isib li qalbek taf tħobb Il-ksieħ li llum iħoss mhux ksieħ ix-xitwa Id-dlam li hemm madwaru mhux tal-lejl Il-ksieħ li ġej minn qlub kiesħa rħama Id-dlam, nuqqas ta' dawl minħabba d-dnub Tibżax, ħallih jistkenn mill-bard f'qiegħ qalbek Kebbislu ħalli jisħon f'qalbek nar Ħa jiddi sakemm jisboq dawl il-kwiekeb Mal-bnedmin ħutek għanni paċi fl-art
Kull fejn Tmur Kliem: Fr Pierre Bonniċi mssp & Fr Karm Debattista mssp Mużika: Fr Karm Debattista mssp Mulej smajtek qalbi tgħidli ndur Mil-hażen u l-frugħa biex nerġa mmur Lejl l-hena u t-tjieba ta' l-ewwel żmien Fl-imħabba magħquda, Inti u jien Mulej, hawn jien, lest li mmur kullimkien Għax naf li Int miegħi, għax naf li Int qrib b'ħajti nagħti xhieda għaliK. Id-dinja mitlufa ħolm u xalar Pjaċir ta' mument li jisfa' imrar Iżd' issa li sibteK, Imħabba bla tmiem Hajti fiK sabet is-sliem Mulej, hawn jien, lest li mmur kullimkien Għax naf li Int miegħi, għax naf li Int qrib b'ħajti nagħti xhieda għaliK Jien warajK Nimxi warajK kull fejn tmur Warajk, kull fejn tmur